Мартина Пашоска–Стојанов

Мартина Пашоска–Стојанов родена е во Прилеп 1991год. Основното музичко образование го стекнува во ООМУ ”Ордан Михајлоски – Оцка” во Прилеп. Средното образование го продолжува во Државното Музичко Училиште во Битола, во класата на проф. Александар Стефановски – флејта. Дипломира со висок просек на Факултетот за Музичка уметност при Универитет “Гоце Делчев” во Штип, во класата на проф. М-р, Златка Митева – флејта. Во текот на своето школување учевствува на бројни натпревари и семинари од каде се вратила со повеќе награди и сертификати. Во 2014год, почнува да работи како наставник по флејта во ООМУ “Ордан Михајлоски – Оцка” во Прилеп, каде со своите ученици учевствуваат на многу натпревари како во државата така и надвор од неа, и освојуваат многу награди. Учевство земаат и на повеќе семинари по флејта кои ги водат познати флејтисти од странство. Како наставник учевствува во разни комисии и работилници.

Игор Кимоски

Игор Кимоски е роден во 1984 година во Прилеп. Своето музичко образование го започнува во Основното музичко училиште во Прилеп, каде што изучува инструмент хармоника. Средното образование го продолжува во Државното музичко училиште во Битола. Дипломира во 2007 година, на Факултетот за музичка уметност во Скопје на отсекот за Музичка теорија и педагогија. Во текот на образованието учествувал и добил повеќе награди на Државни натпревари. Во своето работно искуство работел како наставник по софеж, теорија на музиката и пијано.

Киро Гаралоски

Киро Гаралоски е наставник по солфеж Роден 23.05.1978 год. во Прилеп. Основно музичко образование стекнува во основното музичко училиште во Прилеп ,средно образование завршува во средното музичко училиште во Битола и своите студии ги продолжува на факултетот за музичка уметност во во Скопје, на отсекот Музичка теорија и педагогија каде дипломира 2002 год. За време на својата педагошка дејност како наставник во ООМУ„ Ордан Михајлоски-Оцка„ Прилеп, по предметите пијано,солфеж и теорија, во периодот од 2006-2018 со свои ученици зема активно учество на државни и меѓународни натпревари и освојува многубројни награди.

Христина Никоска

Пијанистката Христина Никоска Тасеска, е родена 1989 год. во Прилеп. Го започнува своето образование во музичкото училиште во Прилеп, во класата на проф. Виолета Кочоска, а во текот на својата музичка наобразба соработува со повеќе ментори, како проф. Мери К. Стоилкова, проф. Надежда Пејсахова и проф. Глигор Гелебешев. Средното музичко образование го завршува во ДМБУЦ ‘Илија Николовски – Луј’ – Скопје, во класата на проф. Људмила Романова, а дипломира на ФМУ – Скопје, во класата на проф. Марија Ѓошевска.
Учествува на повеќе државни и меѓународни натпревари, од кои издвојуваме позначајни награди: Прва награда на натпреварот ‘Свирел’ – Словенија (2018 год.), Први награди на државниот натпревар по пијано ( 2010, 2008 год.), Втора награда на ‘Полифон конкурс’ на ФМУ – Скопје (2007) и други. Учествува на повеќе семинари кај реномирани педагози: проф. Борис Романов – Скопје, проф. Антонио Сориа – Барселона, Шпанија, проф. Јуриј Кот – Киев, Украина, како и интензивните мајсторски курсови во Нови Сад кај проф. Мирослав Красовски-Тел Авив, Израел. Во 2012 год. е дел од Европската летна музичка академија, каде работи со проф. Лејла Пула – Косово и проф. Јаромир Клепач – Чешка. Бележи голем број на солистички и камерни настапи, рецитали, како солист со Македонска филхармонија и учества на повеќе фестивали: Златна лира, Охридско лето, Прилепско културно лето, Скопско лето, Денови на македонска музика, Есенски музички свечености, Musica viva, Битолско културно лето и други. Концертира и на чембало и бележи настапи како солист со камерниот оркестар ‘Солисти на ФМУ’. Во 2016 год. дебитира на сцената во Кина, каде во градот Вејфанг, покрај концертите, одржа и мастер часови. Во 2015 год. го сними својот прв аудио диск – ‘Музика за четворорачно пијано’, со дела од Моцарт и Шуберт, во соработка со пијанистката Мери Кафкалевска Стоилкова. Доста е препознатлива и по својата педагошка работа, во која со своите ученици има освоено преку 50 награди и признанија, на државни и меѓународни натпревари. Од 2012 год. работи како професор по пијано и корепетиција при ООМУ ‘Ордан Михајлоски – Оцка’ – Прилеп.

Илија Иваноски

Илија Иваноски, роден 1995г. во Прилеп. Основно музичко училиште завршува во ООМУ “Ордан Михајлоски-Оцка”- Прилеп, во класата по пијано кај Проф. Наде Стојкоска. Средно музичко училиште се запишува во “ДМУ”- Битола (2009), отсек пијано во класата на Проф. Маргарита Татарчевска и Проф. м-р Јана Четелева-Белевска. Своите студии по пијано ги продолжува на “ФМУ”- Скопје (2013), во класата на Проф. м-р Тодор Светиев, каде што се здобива со титулата Дипломиран пијанист. Учествувал на голем број натпревари по пијано и камерна музика (државни и меѓународни); семинари, од кои може да се издвои соработката со Јури Кот (Украина). Од 2017г. e Проф. по пијано во ООМУ “Ордан Михајлоски-Оцка”-Прилеп.

Денис Најдоски

Денис Најдоски е роден на 05.02.1993 во Прилеп каде што го завршува основното музичко училиште во класата на наставник Михајло Стојкоски. Во 2006 година своето образование го продолжува во класата на м-г проф. Снежана Анастасова – Чадиковска во ДМБУЦ „ Илија Николовски – Луј “ Скопје. Во 2015 година со висок просек дипломира на факултетот за музичка уметност во Скопје во класата на м-г проф. Рита Трпчева-Поповиќ. За време на неговото школување како солист настапува на голем број државни и меѓународни натпревари каде што освојува значајни награди и признанија, концерти во земјава и надвор од неа, како и учество на семинари кај врвни пијанисти од Македонија, Србија, Швајцарија, Словенија, Русија. Покрај солистичките настапи редовно настапува и како член на камерни состави ( дуо Пијано ) од кои се издвојуваат – лауреат на државен натпревар по камерна музика, концерти на Скопско Лето, Есенски музички свечености и многу други. Од 2015 год работи како професор по пијано и корепетиција. Неговите ученици земаат редовно учество на голем број концерти и натпревари, каде што постигнуваат значајни резултати во земјава но и надвор од неа. 

Мартин Колевски

Мартин Колевски е роден 1988 година, во Прилеп, каде и го завршува основното образование, а воедно и основното музичко образование по хармоника во ООМУ „Ордан Михајлоски – Оцка“, во класата на проф. Петар Андоноски. Средното музичко образование го завршува во државно музичко блатескиот училишен центар „Илија Николовски – Луј“ во Скопје на инструменталниот отсек по хармоника во класата на проф. м-р Зорица Каракутовска. Во мај, 2011 год. димпломира во класата по хармоника на проф. м-р Зорица Каракутовска, при Факултетот за музичка уметност во Скопје. Во текот на образованието е добитник на повеќе награди и настапува на повеќе концерти, натпревари и семинари. Од ноември 2011 година работи како наставник по хармоника во ООМУ „Ордан Михајлоски – Оцка“ во Прилеп и е добитник на сертификати за современи методи во наставата, како и бројни награди од државни и меѓународни натпревари со ученици.

Марија Јанчулеска

Марија Јанчулеска е родена во 1997 година во Прилеп, во музичко семејство,под чија закрила ги прави првите чекори и успеси со свирењето на виолина на возраст од oсум години. Основно музичко училиште-отсек виолина завршува  во класата на наст.Весна Станкоска. Средното музичко училиште го завршува во Државното музичко училиште во Битола , две години во класата на проф. Ванчо Стоилков и две години во класата на проф. м-р Валентин Наумов. Во септември 2020год. дипломира со највисока оценка на ФМУ-Скопје во класата на проф.м-р Љубиша Кировски, и како најистакнат негов студент,на 16ти октомври 2020 година настапува заедно со него и со камерниот оркестар „Профундис” на фестивалот  „Златна Лира”,изведувајќи го концертот за две виолини во d-moll –Бах.Низ долгогодишното музичко образование,зема учество во голем број на концерти,проекти,манифестации,и значајни фестивали, меѓу кои  „Шопенова вечер”, „Охридско лето”,  „Скопско лето”,  „Прилепско културно лето”,  „Виолин Фест” , „Денови на македонска музика” ,  „Златна лира” ,  „Интерфест”,  „ FIMU” (Белфорт,Франција) ”,  „DAM festival”(Приштина,Косово) итн.Марија зема учество во многу концерти остварени со различни младински и професионални оркестри:  „Музичка младина на Македонија”,  „Македонска филхармонија” ,  „Македонска опера и балет”,  „Битолски камерен оркестар”,  „Камерниот оркестар -Грифон”,  „Младински симфониски оркестар на Ниш”,  „Солисти на ФМУ” со кој и настапува како солист во 2019 година. Во 2017/18 година остварува девет концерти во девет различни градови во Италија како членка на интернационалниот оркестар на Софија.Од 2018 година е членка на секстетот ArtLink Balkan,со кого остварува настапи на фестивалот „ArtLink” во Србија,  „Youth for peace”(Германија) и  „Wonderfeel”(Холандија).Покрај учеството на бројни семинари по виолина со истакнати педагози,камерна музика работела и со Уки Оваскаинен од Финска и Павел Долежал,концерт/мајстор на Филхармонијата на Острава во Чешка.Во март 2020 година во Сараево,настапува заедно со  камерниот оркестар „Јаначек”.Oд 2019 година соработува со оркестарот за филмска музика F.A.M.E.S.На онлајн натпревар организиран  од  два музички универзитети ,Samnium university –Италија и Stiftung Mozarteum Salzburg-Австрија, со комисија од 27 истакнати музичари од целиот свет,Марија ја освојува третата награда.Во Мај 2021 по успешна аудиција станува редовен  надворешен соработник во групата виолини на Македонска филхармонија.Моментално е вработена како наставник по виолина во Нижото музичко училиште „Ордан Михајлоски- Оцка”-Прилеп.

Илија Чакароски

Илија Чакароски – Дипломиран гитарист на Националната Музичка Академија “Панчо Владигеров” – Софија, Р. Бугарија. Со долгогодишно педагошко искуство. Со многу награди и признанија на државни и меѓународни натпревари.

Борис Миленкоски

Борис Миленкоски е роден во 1980 година во Прилеп, каде покрај редовното основно го завршува и основното музичко училиште во класата на наставникот Драгољуб Бузески. Во 1999 го завршува средното музичко училиште во Битола во класата на професорот Боби Коминовски. По неговото завршување се запишува на Националната музичка академија „Панчо Владигеров“ во Софија, Р. Бугарија, каде дипломира на отсекот по саксафон во класата на професор Влајо Влаев и се стекнува со титулата диломиран саксафонист – инструменталист. Денес работи како професор по предметот саксафон во основното музичко училиште „Ордан Михајлоски – Оцка“ во Прилеп. Со своите ученици има постигнато повеќе успешни настапи како на државни, така и на меѓународни натпревари за дувачки иснтрументи.

Мендо Ташкоски

Мендо Ташкоски е роден во 1985 година во Прилеп, каде што завршува основно музичко образование во класата на наставник Илија Јанчулески. Средното музичко училиште го завршува во Битола во класата на проф. Кирил Стојчески, инструментален отсек армоника. Дипломира на факултетот за Музичка уметност во Скопје во 2007 година во класата на проф. Драган Даутовски и се здобива со титулата дипломиран музичар, теоретичар и педагог – изведувач на народни инструменти. Во 2015 година магистрира на катедрата по етномузикологија кај проф.др. Александар Димитријевски и стекнува стручна титула магистер по музички науки. Денес работи  како професор по предметот народни инструменти во основното музичко училиште „Ордан Михајлоски – Оцка“ во Прилеп. Со своите ученици има постигнато високи резултати на државни и меѓународни натпревари, како и два солистички концерта во Макарска, Р. Хрватска и Сандански, Р. Бугарија. Во 2010 година ја компонираше химната на ООМУ „Ордан Михајлоски – Оцка“.