На државниот натпревар организиран од Здружението на музички и балетски педагози, нашите ученици освоија многу награди.

Учениците од нашето училиште во изминатиот период присуствуваа на голем број натпревари од општински, регионален и меѓународен карактер.

Во просториите на нашето училиште по втор пат во оваа учебна година се одржа Пијано семинар под раководство на м-р. проф. Јана Четелева Белевска од Битола. Учество на овој семинар зедоа сите ученици по пијано кои ќе учествуваат на престојните државни и меѓународни натпревари.

Измината седмица во ООМУ “Ордан Михајлоски – Оцка” се одржа семинар по хармоника од страна на двајцата познати уметници на хармоника, Александар и Анна Коловски. Задоволство беше да се соработува со нив и да се учи од нив. Ви благодариме уште еднаш на посветеноста во областа на хармониката и пренесеното знаење.

Во просториите на ликовната галерија на НУЦК “Марко Цепенков”, вечерва се одржа Концерт на ученици од дувачката класа, кои ќе земат активно учество на престојните државни и меѓународни натпревари.

Учениците од ООМУ „Ордан Михајлоски Оцка“ беа дел од синоќешниот хуманитарен концерт кој го организираше Црвениот Крст, насловен “Заедно сме посилни”.